امریکی وزیر خارجہ 1 روزہ دورے پر آج پاکستان پہنچ رہے ہیں

News Desk

امریکا کے وزیر خارجہ مائیک پومپیو آج ایک روزہ دورے پر اسلامی جمہوریہ پاکستان پہنچیں گے، وزیر خارجہ کے ساتھ امریکا کی مسلح افواج کے چیف آف اسٖٹاف بھی ہوں گے۔

سفارتی ذرائع کا کہنا ہے کہ دورہ پاکستان کے موقع پر امریکی وزیر خارجہ مائیک پومپیو ملک کی اہم شخصیات سے ملاقاتیں کریں گے اور مائیک پومپیو اپنے پاکستانی ہم منصب شاہ محمود قریشی سے بھی ملاقات کریں گے۔سفارتی ذرائع کے مطابق دونوں وزرائے خارجہ کے درمیان ملاقات کے بعد دفتر خارجہ میں وفود کی سطح پر مذاکرات بھی ہوں گے۔پاکستانی سفارتی ذرائع کا کہنا ہے کہ امریکی وزیر خارجہ کی دورہ پاکستان کے موقع پر وزیر اعظم عمران خان سے بھی ملاقات متوقع ہے، مائیک پومپیو دورہ مکمل کرکے آج ہی نئی دہلی روانہ ہوں گے۔

دوسری جانب امریکی وزیر خارجہ مائیک پومپیو نے دورہ پاکستان سے قبل واشنگٹن میں میڈیا گفتگو کرتے ہوئے کہا ہے کہ امید ہے پاک امریکا تعلقات میں نئی پیشرفت کا آغاز کریں گے۔

امریکی وزیر خارجہ نے میڈیا نمائندگان نے بات چیت کرتے ہوئے کہا ہے کہ پاکستان افغانستان میں ثالثی کے لیے پاکستانی وزیر خارجہ شاہ محمود قریشی نے گذشتہ روز  کہا تھا کہ امریکی وزیرخارجہ کے سامنے اپنا مؤقف رکھیں۔شاہ محمودقریشی کا کہنا تھا کہ امریکا اور پاکستان کے تعلقات میں سردمہری سب کے سامنے ہے، پاک امریکا تعلقات کو ابھی خوش گوار نہیں کہہ سکتے۔

خیال رہے کہ گزشتہ ماہ مائیک پومپیو نے وزیرِ اعظم عمران خان کو فون کرتے ہوئے وزیرِ اعظم بننے پر مبارک باد دی تھی اور نئی حکومت سے مل کر کام کرنے کی خواہش کا اظہار کیا تھا تاہم بعد میں فون کی گفتگو متنازعہ رخ اختیار کر گئی تھی۔امریکی وزیرِ خارجہ نے کہا تھا کہ فون پر پاکستانی وزیرِ اعظم کے ساتھ پاکستان میں سرگرم دہشت گردوں کے خاتمے کے حوالے سے بھی گفتگو ہوئی، تاہم وزارتِ خارجہ نے اس دعوے کی تردید کی کہ ایسی کوئی بات نہیں ہوئی۔امریکا کے ساتھ تعاون کرے۔

Leave a Reply

Your email address will not be published. Required fields are marked *