جنوبی افریقا کا تیسرے ٹیسٹ میں پاکستان کو 107رنز سے ہرا کر کلین سوئپ

News Desk

جنوبی افریقا نے تیسرے ٹیسٹ میچ میں پاکستان کو 107 رنز سے ہرا کر سیریز میں کلین سوئپ کردیا۔جوہانسبرگ ٹیسٹ میں جیت کے لیے 381 رنز کے تعاقب میں قومی ٹیم شدید مشکلات سے دوچار رہی۔ٹیسٹ کے چوتھے روز قومی ٹیم نے 3 وکٹوں کے نقصان پر 153 رنز سے اننگز کا آغاز کیا تو اسد شفیق 48 اور بابر اعظم 17 رنز کے ساتھ کریز پر موجود تھے۔دونوں بلے بازوں نے محتاط انداز اپنایا لیکن بابراعظم 21 کے انفرادی اسکور پر پویلین لوٹ گئے جس کے بعد آنے والے کپتان سرفراز احمد بھی بغیر کوئی رن بنائے آوٹ ہو گئے۔

اسد شفیق نے بولروں کے سامنے کچھ مزاحمت کی کوشش کی لیکن وہ بھی 179 کے مجموعی اسکور پر ہمت ہار گئے۔ انہوں نے 11 چوکوں کی مدد سے 65 رنز کی اننگز کھیلی۔ 
بعدازاں امام الحق نے 35 اور حسن علی نے 22 رنز بنائے جبکہ شاداب خان 46 رنز بناکر ناٹ آؤٹ رہے۔

جنوبی افریقا کی جانب سے رباڈا اور اولیویئر نے تین تین کھلاڑیوں کو آؤٹ کیا جبکہ ڈیل اسٹین 2 اور فلینڈر نے ایک وکٹ حاصل کی۔

یاد رہے کہ پاکستان کی پوری ٹیم اپنی پہلی اننگز میں 185 رنز پر ڈھیر ہوگئی تھی جب کہ میزبان ٹیم نے پہلی اننگز میں 262 اور دوسری میں 303 رنز بنائے۔

Leave a Reply

Your email address will not be published. Required fields are marked *